Дзæуджыхъæуы цæуы наукон-практикон конференци «Междисциплинарные вопросы спортивной медицины»

Спортивон медицинæ ног æмæ уæлдæр æмвæзадмæ сисын. Ацы темæйыл наукон-практикон конференци цæуы Дзæуджыхъæуы. Йæ архайджытæ сты республикæйы алы районтæй, æдæппæтæй 200 адæймагæй фылдæр. Лекцитæ амонынц Уæрæсейы раззагдæр эксперттæ. Уыдон дзурынц дзæбæхкæнынады нырыккон мадзæлттыл. Дыууæ бонмæ æрдзурдзысты неврологи, травматологи, нутрициологийыл. Уымæй уæлдай, ма ныхас цæудзæн травмæты фæстæ раст реабилитацийыл. Конференци цæуы республикæйы Æнæниздзинад хъахъхъæнынады æмæ Спорты министрадты æххуысæй.