Конституцийыл - 100 азы

Уæрæсейы конституцийы сæдæ азы номыл конференци уыд Дзæуджыхъæуы. Мадзал сарæзтой Цæгат Ирыстоны паддзахадон университеты бындурыл. Юридикон факультеты ахуыргæнджытæ дзы бацæттæ кодтой презентаци. Студенттæн радзырдтой конституцийы равзæрды æмæ йæ ахадындзинады тыххæй дунейы уагæвæрдыл. Конфереци сарæзтой диалоджы хуызы. Архайджытæн радтой ныхасы бар сæ хъуыдытæ зæгъынæн. Сæрмагондæй æрныхас кодтой Уæрæсейы конституцийыл. Нырыккон дуджы адæмы бартæ куыд æххæстгонд цæуынц, ууыл. Форуммæ уазджытæ сæмбæлд Казахстан, Хуссар Ирыстон æмæ Цæцæны Республикæйæ. Уæ зæрдыл уын æрлæууын кæндзыстæм, фыццаг Конституци Уæрæсейы фидаргонд æрцыд 1918 азы. Фыст дзы уыдысты адæмы бартæ. Зæгъæм, лæвар ахуырад райсынæн, сæрибар мыхуыр кæнынæн, митингтæ аразынæн æмæ афтæ дарддæр. Советон Цæдисы закъонæвæрдæн документ ссис хорз бындур. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv