2023-æм азы Цæгат Ирыстоны фæзындзæн егъау фермæ

2023-æм азы Цæгат Ирыстоны фæзындзæн егъау фермæ. Дардзысты дзы францаг мыггаджы стурвос. Æдæппæтæй 3 мин сæры. Проекты аргъ - 3 миллиард сомы. Йæ райрæзтæн рахай кодтой 1 мин гектары зæхх. Уый тыххæй фехъусын кодта агропромышленнон холдинг «Мастер-Прайм. Березка»-йы разамонæг Беккуызарты Ларисæ. Фермæйæ уæлдай ма компани Æрыдоны районы сараздзæн æхсыры куыстгæнæн завод. Сменæмæ дзы æхсыр уадздзысты 60 тоннæйы. Францаг мыггаджы стурты æхсырæй ахсдзысты цыхт «Конте». Ныртæккæ компанийы бæрны цы завод ис, уый сменæмæ уадзы 10 тоннæйы æхсыр. Проекты райрæзт фадат ратдзæн 250 куысты бынат сæвзæрынмæ. «Мастер-Прайм. Березка» Цæгат Ирыстоны фыццаг куыстуат у, æхсыры куыст чи кæны, ахæм. Хи хойрагæй райдай æмæ хæрзхъæд æхсырæй конд продукцийæ фæуы. Йæ хæринæгтæ парахат кæны республикæйы 10 сæрмагонд дуканийы. Куыстуат æхсырæй кæны 48 продукты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv