«Хæлардзинады хид»

Ирон театрæй Хъæрæсе-Черкесимæ абон сарæзтой «Хæлардзинады хид». Адæмы се сфæлдыстадæй барæвдыдтой ацы республикæйы номдзыд ансамбль «Эльбрус». Нæ республикæмæ ссыдысты дыккаг хатт. Ирон адæм сыл алкæддæр зæрдиагæй сæмбæлынц. Уæлдайдæр та ансамбль «Алан»-имæ иу сценæмæ куы рацæуынц, уæд. Ирон теары сценæйы – аивадон фембæлд. Республикæйы аивадуарзджытæ сæмбæлдысты Хъæрæсе-Черкесийы номдзыд ансамбль «Эльбрус»-ыл. Уæвгæ ацы фембæлд фыццаг нæу. Гострольты æмæ алыхуызон фестивальты архайгæйæ, ансамбль «Эльбрус»-ы артисттæ кæддæриддæр цыдысты адæмы зæрдæтæм. Ныр дæр ирон театрмæ чи æрбацыд, уыдоны зæрдæты ауагътой арф уидæгтæ. Алим Биджиев кæд Хъæрæсе-Черкесийы паддзахадон ансамбльы кафы, уæддæр хæссы Цæгат Ирыстоны сгуыхт артисты ном. Кæд кафæджы дæсныйадыл нæ ахуыр кодта, уæддæр 10 азы йæ курдиатæй адæмы зæрдæтæ рухс кæны. Йæ зæрдæ снывонд кодта кафтæн. Уарзы аивад æмæ йыл æвæллайгæ кусы. Ансамбль «Алан»-ы ном та айхъуыст æгас дунейыл. Торчынты Бексолтан, Карсанты Галинæ, Плиты Нодар, Калоты Земфирæ æмæ ма бирæ æндæр артистты æрыгон кафджытæ сæхицæн дæнцæгыл нымайынц. Сæ кад дæлæмæ не руадзыныл архайынц хорз хистæртимæ. Хæлардзинады хид фидардæр кæны. Кæд артисттæ тынг бафæллайынц, уæддæр адæмы цæхæрцæстæй æмæ циндзинад фенгæйæ, сæ фæллад фæцыдæр вæййы, сæ цæсгæмттæ вæййынц рухс æмæ хъæлдзæг. Нæ бæстæйы æмæ дунейы бирæ бæстæты дыууæ ансамблы гастрольты арæх уыдысты. Кафджытæ систы бирæ æппæтдунеон фестивальты уæлахиздзаутæ æмæ лауреаттæ. Уымæн æмæ аивадмæ, кафтмæ сыгъдæг уарзондзинады æнкъарæнтæ кæмæ ис, уыдон æй парахатæй лæвар кæнынц иннæтæн дæр. 2005-æм азы Паддзахадон академион ансамбль «Алан»-ы хъæппæрисæй сæвзæрд цымыдисаг проект «Хæлардзинады хид». Ныридæгæн сарæзтой бирæ иумæйаг концерттæ, бирæ сфæлдыстадон къордтимæ. Хæлардзинады хиды сæйраг нысан Йæ сæйраг нысан у адæмты хсæн хæлар ахастдзинæдтæ парахат кæнын. Æмæ уый «Алан»-æн хорз æнтысы. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv