Æппæтуæрæсейон адæмон фронты уæнгтæ сарæзтой басгæрст

Æппæтуæрæсеон адæмон фронты регионалон хайады уæнгтæ бабæрæг кодтой Дзæуджыхъæуы æмæ районты хи ирхæфсæн бынæттæ. Мадзалы сæйраг нысан - æдасдзинады домæнтæ куыд æххæстгонд цæуынц, уый сбæрæг кæнын. Æппæтуæрæсейон адæмон фронты уæнгтимæ не `сфæлдыстадон къорд араст «Страна чудес», зæгъгæ, йы аттракционтæм. Олимпаг парк Дзæуджыхъæуы цæрджыты уарзондæр бынæттæй иу у. Сæрдыгон æнтæф бон ам бассейны фенæн вæййы бирæ сывæллæттæ. Уыдонæн æрвылбон сæ хæдзæрттæм хæстæг фадат вæййы доны хъæлдзæгæй сæ рæстæг æрвитын. Уымæй уæлдай ма сæм ныййарджыты зæрдæ дæр нæ фехсайы. Ам æдасдзинады домæнтæм уæлдай æргом здахынц. Цгъойты Каролинæ: «Ленк кæнын æрæджы сахуыр дæн. Ардæм æрбацыдтæн æртыккаг хатт. Мæ зæрдæмы дзы тынг цæуы. Уæлдай дæр ленк кæнын куы базыдтон уæд. Хæстæгдæр ран мах ахæм бассейнтæ нæ зонæм». Аттракционтæ хъуамæ дзуапп дæттой æдасдзинады домæнтæн. Уый сбæрæг кæнынмæ Олимпаг парк бабæрæг кодтой Æппæтуæсейон адæмон фронты уæнгтæ. Сæ балцæй разыйæ баззадысты. Бассейны дон у сыгъдæг. Йæ фарсмæ фæзы æппынæдзух фенæн ис ирвæзынгæнджыты. Бассейны алфамбылай æфснайынц. Баситы Ингæ: «Мах ам фыццаг хатт стæм. Æрбахуыдтон мæ дыууæ сывæллоны. Сæ иу нырма хæрз чысыл у, фæлæ мæ 4 аздзыд чызг ленк кæнын уарзы. Бассейны дон вæййы сыгъдæг. Сывæллæттæ сæ рæстæг арвитынц хъæлдзæгæй». Парчы аттракционтæ бæстонæй сбæрæг кодтой. Æдасдзинады домæнтæн дзуапп дæттынц. Алы аттракционы раз дæр ис хъæугæ информациимæ фæйнæджытæ.Уæдæ Кусджытæ дæр сты фæлтæрдджын. Хъеллаугæнæн скусыны размæ сбæрæг кæнынц йæ уавæр. Фæлæ горæты цæрджытæм фиппайнæгтæ дæр разынд. Хæмыцаты Альбинæ: «Ам мах ам хæстæг цæрæм. Бон дыууæ хатт вæййæм ам. Нæ зæрдæмæ тынг цæуы, мæнæ дзы æрмæстдæр гыццыл аууон куы уаид, уæд уаид бæргæ хорз . Сывæллоны зæрдæмæ тынг цæуы. Йæхæдæг нæ ракæны ардæм». Сæрдыгон рæстæджы размæ аттракционтæ хъуамæ райсой сæрмагонд техникон æвдисæндар. Уый тыххæй снысан кодтой сæрмагонд фæтк. Æппæтуæрæсейон адæмон фронты уæнгтæ басгæрстæй разыйæ баззадысты. Цалдæр фиппайнаджы сæм уыд фæлæ сын парчы разамынд ныхас радта хæстæгдæр рæстæг сæ кæй аиуварс кæндзысты. Ахæм басгæрстытæ саразæм æрвылаз. Канд Цæгат Ирыстоны йæ нæ саразæм фæлæ æгас бæстæйы дæр. Мах нæ регионы бабæрæг кодтам цалдæр аттракционы. Ныртæккæ стæм «Страна чудес», зæгъгæ парчы. Улæфæн бынаты разамынд нын хъæугæ гæххæтытæ равдыстой. Æппæт домæнтæн дзуапп дæттынц. Æппæтуæрæсеон адæмон фронты уæнгтæ æрмæст Дзæуджыхъæуы хи ирхæфсæн бынæттæ нæ бабæрæг кодтой. Сæ фæндаг ма акодтой Беслæны сæйраг паркмæ дæр. Сæ балцы хатдзæгтæй разыйæ баззадысты. Хараты Мæринæ _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv