Æнæнхъæлæджы уавæрты министрады ирвæзынгæнджытæ студенттæн сарæзтой экскурси

Цæгат Ирыстоны æнæнхъæлæджы уавæрты министрады зынгхуыссынгæнджытæ æмæ ирвæзынгæнджытæ Дзæуджыхъæуы уæлдæр ахуыргæнæндæтты студенттæн сарæзтой экскурси. Алкæмæн дæр фадат уыд зынгсирвæзтыты ныхмæ чи тох кæны, уыдоны дæсныйады сусæгдзинæдтимæ базонгæ уæвын. Дзæуджыхъæуы зынгхуыссæн 2-æм хайады сæргълæууæг Кучиты Тимур бæстонæй радзырдта йе ’мкусджыты боны фæтк куыд ацæуы, æмæ фæнысан кодта, æнæнхъæлæджы уавæры зынгсирвæзты ныхмæ цавæр мадзæлттæ фæаразынц, уый дæр. Ирвæзынгæнджыты ныхæстæм гæсгæ, ахæм фембæлдтытæ сты ахсджиаг æмæ сæм вæййынц арæх. Зынг хуыссынгæнæгæйæ специалисттæ цавæр кусæнгæрзтæй пайда фæкæнынц æмæ сæ дæсныйады цы сусæгдзинæдтæ ис, уый студенттæн равдисын уыд Дзæуджыхъæуы фæсивæды социализацион центры кусджыты хъæппæрис. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv