Физикон-математикон скъола - хуыздæрты 'хсæн

Дзæуджыхъæуккаг физикон-математикон лицей сси хуыздæртæй иу. Бахауд Уæрæсейы 100 хуыздæр математикон скъолайы номхыгъдмæ. Рейтинг сарæзта математикон ахуырады мæскуыйаг центр Уæрæсейы ахуырад æмæ наукæйы министрады æххуысæй. Хуыздæр скъолаты сбæрæг кодтой профилон къордтæм гæсгæ. Се ’хсæн физикон-математикон, химикон-биологон, биологон-географион профилтæ. Номхыгъд аразгæйæ нымад цыдысты иумæйаг паддзахадон фæлварæнты æмæ скъоладзауты ’хсæн æппæтуæрæсеон олимпиадæйы бæрæггæнæнтæ. Уымæй уæлдай ма кастысты, абитуриентты уæлдæр ахуыргæнæндæттæм бацæуыны хатдзæгтæм. Сколайы директор Франкель Магомедовы ныхæстæм гæсгæ, куыст ныр фæфылдæр уыдзæн. Ног азмæ сæ размæ сæвæрдтой стыр хæстæ. Уæ зæрдыл уын æрлæууын кæндзыстæм, раздæр ма нæ республикæйы кæцыдæр скъолатæ бахаудысты 500 хуыздæры номхыгъдмæ. Фæлæ 100 хуыздæры ’хсæнмæ бахауыны хабар у фыццаг. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv