химия

Наукон куыст парахат кæныныл ЦИПУ-йы бæстонæй арахйынц. Уымæн æвдисæн канд ядерон интрæстыты центр нæу, ныртæккæ дзы рæстæгмæ кусы сæрмагонд скъола. Йæ ном – «Химия вокруг нас». Нырма уал кусы фæлварæны хуызы. Программæ у 8-æм æмæ 11-æм кълæсты ахуыдзаутæн. Йæ сæйраг нысан - сывæллæтты бæлвырд наукæтæм сразæнгард кæнын, уæлдайдæр та химийы сусæгдзинæдтæ базонынæн. Университеты ахуыргæнджыты ныхæстæм гæсгæ, проект æнтыстджынæй æххæстгонд цæуы. Ахæм хъуыдыйыл хæст сты ахуырдзаутæ дæр. Адæймагмæ афтæ фæкæсдзæн, æмæ ацы куысты цавæрдæр алæмæтаг сусæгдзинæдтæ ис. Тар буаргъæд æмæ газ. Фыццаг бакастæй - цавæрдæр æнахуыр ми, фæлæ æцæгæйдæр та - хими. Ацы цымыдисаг куысты фæрцы рабæрæг кæнынц доны дæргъæгдзинад. Химийы йæ титровани хонынц. Рæстæгмæ цы скъола ныртæккæ кусы, уымæн йæ ном у – «Химия вокруг нас». Уым сывæллæтты æрмæст Менделеевы таблицæимæ нæ ахуыр кæныц, фæлæ сæ разæнгард кæнынц иртæстытæ аразынмæ. Зæгъæм, мæнæ ам хъуамæ раиртасой шампуны водород цас ис, уый. Скъолайы ахуырдзаутæн сæ бон у ахуыр кæнын фæлладуадзæн бонты рæстæг дæр. Фæззæджы дзы уыдысты 34 адæймаджы, 8-æй 11-æм кълæсты скъоладзаутæ. Ахуыргæнджыты ныхæстæм гæсгæ, хими ахуыр кæнын бирæты фæнды. Се 'ппæтæй кæстæр дзы у 3-æм къласы ахуырдзау. Скъолайы теоретикон ахуырады фæтк сфидар кодтой Цæгат Ирыстоны паддзахадон университеты ахуыргæнджытæ. Амонынсæ регионалон центрæн. Уыдон куыд зæгъынц, афтæмæй ацы проектыл 2 мæйы бахардз кодтой, ахæм программæтæ æндæр никуыуал ис. Ацы программæйы фæрцы адæймаг афæлгæсы химийы цымыдисаг бæстæмæ. Ам чингуытæн бынат нæй, æрмæстддæр теоретикон лекцитæ æмæ практикон ахуыртæ. Ацы скъола кусы нырма фæлварæны хуызы, фæлæ дарддæр - фылдæр. Хъуамæ дзы æппынæдзу архайой. Ацы центры программæ цæттæгонд æрцыд «Успех каждого ребёнка», зæгъгæ, федералон проекты фæлгæты, йæ сæйраг нысан - сывæллæтты сразæнгад кæнын бындурон наукæтæм. Къутæрты Аидæ _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv