Цæмæй рох ма уа!

Рухсыздахæг æдасдзинады лентытæ цæмæн хъæуынц æмæ сæ хи къухæй куыд скæнæн ис, уый радзырдтой Дзæуджыхъæуы 30-æм скъолайы ахуыргæнинæгтæн. Ахæм сæрмагонд урок сын радтой æппæтуæрæсеон адæмон фронты регионалон хайады уæнгтæ æмæ паддзахадон автоинспекцийы кусджытæ. Равдыст бацæттæ кодтой сæрмагонд акцийы фæлгæты - «Дорога в школу», зæгъгæ. Уыцы мадзæлттæ аразынц æгас Уæрæсейы дæр. Уымæй размæ адæмон фронты кусджытæ сбæлвырд кодтой, фæндагыл сывæллæттæн ахизæнтыл рухс æвзæр кæм у, уый, æмæ йын цы бакæнын æмбæлы, уый дæр. Æппæтуæрæсеон адæмон фронты регионалон хайады æмсæрдар Цæгæраты Русланы ныхæстæм гæсгæ, ахæм мадзæлттæ сты ахадгæ ахуыргæнджытæн æмæ сæ дарддæр сæ араздзыстæм. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv