Битарты Вячеслав фембæлд республикæйы цæрджытимæ

Бон раздæр та Битарты Вячеслав фембæлд республикæйы цæрджытимæ. Æрбацыдысты йæм 15 адæймаджы. Республикæйы сæргълæууæгмæ радтой бирæ фæрстытæ. Се `нæниздзинад хъыгдард кæмæн у, ахæм спортсменты къорд ракуырдтой стъолыл теннисæй хъазынæн сын сæрмагонд бæстыхай радих кæнын. Битарты Вячеслав бабар кодта республикæйы исбонады министрадæн, цæмæй уал сын рæстæгмæ тренировкæтæн бынат ссарой. Фæстæдæр сын ног спортивон бæстыхæйттæй иуы хицæн хай радих кæндзысты. Автомобилон спортæй архайæг Джыбылаты Мæирбег та бахатыд республикæйы сæргълæууæгмæ, цæмæй уыцы спорты хуызы рæзтæн сæрмагонд фæндаг саразынæн баххуыс кæна. Автоспортæй ерыстæ арæзт æрцæуынц Кавказы бирæ субъектты. Ирон спортсментæн та сæхи трассæ нæй. Маирбеджы ныхæстæм гæсгæ, фæсивæд тренировкæтæ фæкæнынц хуымæтæг фæндæгтыл. Уый та, гæнæн ис, æмæ уæззау фæстиуджытæм расайа, ома фæндаггон фыдбылызтæм. Битарты Вячеславы бафиппайдта, ацы хъуыддаг æнæмæнг саразын кæй хъæуы. «Фæсивæды хъæппæрисы æмæ республикæйы разамынды æххуысæй æппынкъаддæр иннæ аз ацы проект хъуамæ арæзт æрцæуа», - загъта Цæгат Ирыстоны сæргълæууæг. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv