Дзæуджыхъæуы фесты Бакуйы сывæллæтты театры гастрольтæ

Дзæуджыхъæуы фесты Бакуйы сывæллæтты театры гастрольтæ. З боны артисттæ сæ курдиат æвдыстой Ирыстоны театруарзджытæн. Абдулла Шангайы пъесæмæ гæсгæ æвæрд спектакль «Тук-тук Ханум»-мæ бакæсынмæ æрбацыд бирæ адæм. Залы къух бакæнæн нæ уыд. Уазджытæ куыд зæгъынц, афтæмæй ацы спектаклимæ 10 азы цæуынц гастрольты. Уæ зæрдыл уын æрлæууын кæндзыстæм Бакуйы театр Ирыстонмæ фыццаг хатт не ссыд. Спектаклты фæстæ актертимæ фембæлдысты культурæйы министрады кусджытæ æмæ сын загътой бузныгы ныхæстæ - аивады фæрцы бастдзинæдæн фидар бындур кæй æвæрынц æмæ гастрольты фæрцы сæ культурæимæ кæй зогæ кæнынц, уый тыххæй. 17 майы та ирон театры артисттæ ацæудзысты Бакумæ. Равдисдзысты Черчесты Дианæйы æвæрд спектакль «Вовка в Стране чудес». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv