Цæгат Ирыстоны ныффыстой закъонзонадон диктант

Цæгат Ирыстоны цæрджытæ сбæрæг кодтой сæ бартæ куыд зонынц, уый. Дзæуджыхъæуы уыд æппæтуæрæсеон закъонзонадон диктант. Ацы аз æй снысан кодтой Уæрæсейы конституцийы 25-азы кадæн. Диктант ныффысыны бар уыд 14 азæй фылдæр кæуыл цæуы, уыдонæн се `ппæтæн дæр. Ацыд тесты хуызы. Æдæппæтæй дзы уыд 30 хæслæвæрды. Се `хсæн юридикон терминтæ æмæ Уæрæсейы Конституцийы бындурон хæйттæ. Мадзал сарæзтой горæты уæлдæр ахуыргæнæндæтты. Сæйраг фæз - юридикон факультет алы ахуыргæнæндоны. Уыимæ ма диктант ныффысдзысты республикæйы районты. Мадзалы сæйраг нысан - цæрджытæ сæ бартæ æмæ закъæттæ куыд зонынц, уый сбæрæг кæнын. Йæ аразджытæ Цæгат Ирыстоны конституцион тæрхондон æмæ республикæйы фæсивæдон парламент. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv