Арвыкомы фæндаг боныхъæды аххосæй æхгæд у уæзласæн хæтулгæтæн

Арвыкомы фæндаг боныхъæды аххосæй æхгæд у уæзласæн хæтулгæтæн. Ныртæккæ дзы сæмбырд ис 80 хæдтулгæйæ фылдæр. Уый тыххæй хъусын кæны республикæйы Æнæнхъæлæджы цауты министрады пресс-службæ. Синоптикты хъусынгæнинагмæ гæсгæ мит комы уардзæн дыууæ боны. Цæмæй адæм сæ уавæрæй ма стыхсой, уый тыххæй бынаты кусы хъармгæнæн пункт. Уым бæлццæтты бон у тæвд цай бацымын æмæ сæ фæллад суадзын. Кусы ма дзы æнахъом сабиты æмæ сæ мадæлты уат. Уыцы-иу рæстæг сидынц, хæстæгдæр рæстæг Гуырдзыстонимæ арæны сæрты ахизынмæ чи хъавы, уыдон къæрцхъусдæр уой. Куыд зонут, афтæмæй Арвыкомы фæндаг цæуы Дзæуджыхъæуæй Тбилисмæ æмæ иу кæны Уæрæсейы Фæскавказы бæстæтимæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv