Уæрæсейы бæрæг кæнынц мыхуыры боy

Абон Уæрæсейы бæрæг кæнынц мыхуыры бон. Бæрæгбон бафыстой 1991 азы Уæрæсейы Федерацийы Уæлдæр Советы Президиумы 28 декабры уынаффæмæ гæсгæ. Ацы бон, 13 январы, 1703 азы Петр 1-æмы бадзырдмæ гæсгæ рацыд фыццаг уæрæсейаг газет «Ведомости». Уæд райдыдта уырыссаг журналистикæйы истори. Абон Уæрæсейы мыхуыры цæуы 40 мин журнал æмæ газетæйы фылдæр. Цæгат Ирыстоны та 60-йæ фылдæр. Сты алыхуызон: æхсæнадон-политикон, литературон, наукон, спортивон æмæ æндæртæ. Мыхуыры цæуынц уырыссаг æмæ ирон æвзæгтыл. Афтæ нæ республикæйы районты цæрджытæм алы бон хæццæ кæны газетты 20 милуан экземплярæй фылдæр. Бæрæгбоны фæдыл республикæйы сæргълæууæг Битарты Вячеслав арфæйы ныхæстæ ракодта, ацы къабазы чи фæллой кæны, уыдонæн. Куыд фæнысан кодтам, афтæмæй мыхуыры кусджытæ алкæддæр æвæллад æмæ пайда куыст кæй кæнынц, уый. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv