Сывæллæтты сæрдыгон-дзæбæхгæнæн рæстæгмæ цæттæдзинадыл ныхас цыд сæрмагонд æмбырды. Амыдта йæ премьер Дзанайты Барис. Сæйрагдæр фарстатæй иу –  хиирхæфсæн бынæтты сабиты æдасдзинад. Цæгат Ирыстоны сæрдыгон-дзæбæхгæнæн кампани райдайдзæн 1 июны. Республикæйы Фæллой æмæ социалон райрæзты министр Айдарты Алинæ куыд фæнысан кодта, афтæмæй Цæгат Ирыстоны æмæ æндæр бынæтты санаториты сæ рæстæг арвитдзысты 36 мин сывæллоны. Фыццаджыдæр, фæлладуадзæн мадзæлтты архайдзысты, зын уавæрты чи хъомыл кæны, уыцы фæсивæд. Дзанайты Барис дзуапдæттæг кусджытæн бабар кодта æппæт хъуыддæгтæ дæр фæткмæ гæсгæ сæххæст кæнын.