Кусæг фембæлд

Нæ республикæйы сæргълæууæг Битарты Вячеслав кусæг балцы ис Мæскуыйы. Уым фембæлд УФ-йы Хицауады Сæрдары хæдивæг Ольгæ Голодецимæ. Æрдзырдтой стадион «Спартак» ногæй рацаразыны тыххæй. Битарты Вячеслав куыд фæнысан кодта, афтæмæй Цæгат Ирыстоны бирæ курдиатджын спорстментæ ис. Цæмæй сæхи æнтысджынæй æвдисой, уый тыххæй сын хъæуы æмбæлгæ уавæртæ аразын. Уæлдайдæр, футболæй хъазын чи уарзы, уыдонæн. Стадион «Спартак» арæзт æрцыд 1962-æм азы. Уæдæй нырмæ æрцыд кæлæддзаг уавæрмæ. Хъæуы йæм базилын. Ног футболон фæз райтауын, къултæ сфидар кæнын, бадæнтæ сцалцæг кæнын æмæ рухс бауадзын. Уыцы хъуыддаджы фæдыл, республикæйы сæргълæууæг иу æмæ дыууæ хатты нæ дзуры. Йæ хъуыдытæ фехъусын кодта Уæрæсейы президент Владимир Путинæн, стæй та Хицауады сæрдар Дмитрий Медведевæн. Уый фæстæ бæрнон кусджытæ бабар кодтой арæзтадон проектыл бакусын. Уымæй уæлдай ма фембæлды ныхас кодтой Аланийы дзуарæфтыды 1 мин 100 азы бонмæ кадджын мадзæлтты тыххæй. Йæ сæйраг амидингæнæг у Ольгæ Голодец. Бæрæг æй кæндзысты 2022 азы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv