20 сомы цæй тыххæй?

8 маршрутыл æхсæнадон транспорт изæрыгон нал фæцæуы. Промышленность æмæ транспорты министрады басгæрстытæ кæронмæ æрхæццæ сты. Уый тыххæй хъусын кæнынц сæ пресс-службæйæ. Æркастысты транспорт изæры 8 сахатæй 10 сахатмæ куыд кусы, уый. Федтой лæууæн бынæттæ дæр. Штыбы фæз, хæххон аграрон университеты цур, тагъд æххуысы клиникон рынчындоны, ОЗАТЭ æмæ Къесаты Астаны номыл уынджы æрлæууæнтæ. Министрады кусджытæ куыд сбæрæг кодтой, афтæмæй æгъдаухалджытæ сты 15-æм, 31-æм, 34-æм, 37-æм, 40-æм, 44-æм, 51-æм æмæ 52-æм маршруттыл цæуæг шофыртæ. Уымæй уæлдай ма разыйæ нæ баззадысты 3-æм, 4-æм, 11-æм, 19-æм, 21-æм, 23-æм, 26-æм, 27-æм, 32-æм, 33-æм, 41-æм, 45-æм, 50-æм, 57-æм номыртæй. Раппæллинаг та сты 1-æм, 5-æм, 7-æм, 8-æм, 13-æм, 17-æм, 18-æм, 22-æм, 24-æм, 25-æм, 77-æм. Сæ куыст куыд æмбæлы, афтæ кæнынц. Басгæрстыты хатдзæгтæм гæсгæ, азымджынты бафхæрдзысты административон æгъдауæй. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv