«Сызгъæрин фæззæг»

Мæскуыйы 20-æм хатт сарæзтой агропромышленнон равдыст «Сызгъæрин фæззæг», зæгъгæ. Уæрæсейы регионтæ дзы равæрдтой сæ продукци æмæ сæ проекттæ. Архайынц дзы нæ республикæйы минæвæрттæ дæр. Хъæууон хæдзарады къабазы цы бантыст æмæ цавæр бадзырдтæ бафыстой цæгатирыстойнаг куыстуæттæ. 60 куыстуатæй фылдæр саив кодтой хъæууон-хæдзарадон равдысты тæрхæджытæ сæ продукцийæ. Консервтæ, æхсырæй конд продукттæ, дыргътæ æмæ халсартæ — цæст сæ райы. Ацы равдысты сæйраг нысан у, хъæууон — хæдзарады рæзтмæ куыд фæндыйы цæстæй чи нæ кæсы, ахæм инвестортæ ссарын. Цæгат Ирыстоны куыстуæттæ сын цымыдисаг проекттæ равдыстой. Инвесторты æххуысыл та йæхи ничи атигъ кæнид. Уымæ гæсгæ нæ республикæйы минæвæрттæ ацы мадзалмæ биноныгæй сæхи баццæтæ кодтой — бакуыстой цымыдисаг проекттыл. Аккаг аргъ сын куы скæной, уæд рæстмæ ахаддзæн цардыуагыл. Ног куысты бынæттæ дæр фæзындзæн. Логистикон центрты национ ассоциацийы æххæстгæнæг директор Владимир Лищук: «Цæгат Ирыстоны рагæй фæнд кæнæм логистикон центр саразын. Ног бæстыхай сырæздзæн Мæздæджы районы, уымæн æмæ Мæздæг ис Цæгат Кавказы тæккæ астæу. Ныртæккæ логистикон центры арæзтад, зæгъæн ис, æмæ райдыдта». Стыр фадæттæ æмæ пайдайаг агропромышленностимæ баст хъæппæристæ. «Сызгъæрин фæззæг» — афтæ хуыйны æппæтуæрæсеон хъæууон-хæдзарадон равдыст. Сарæзтой йæ 20-æм хатт. Цæгат Ирыстон форумы йæ культурæ æмæ традицитæ равдыста. Цæгатирыстойнаг стенды раз национ кæфтытæ фенынмæ бирæ адæм æрбамбырд. Куыстадон фембæлдтытæ æмæ фидæны æмгуыстады хъуыддæгтыл ныхас. Хъæууон хæдзарад æмæ хойраджы министр, Уазиты Хъазыбег куыд фæнысан кодта, афтæмæй республикæйы хъæууон-хæдзарады райрæзтæн ис бæлвырд бадзырдтæ. Равдысты архайы 60 регионæй фылдæр. Алы регионмæ дæр йæхи фæндтæ æмæ хъæппæристæ. Мæскуыйы ветеринарон академийы минæвæрттæ æрбаластой, æмбал кæмæн нæй, ахæм кусæнгæрзтæ. Уыдонимæ архайгæйæ алчи йæхи раст хирург банкъардтаид. Мæскуыйы ветеринарон академийы профессор Ирина Ларионова: «Нæ ахуыргæнæндон у, дæсны специалисттæ кæм уадзынц, ахæм æрмадз. Павильонты абон федтам нæ рауагъдонты. Алчидæр сæ куысты схызт бæрзонд къæпхæнтæм. Сарæзтой сæхи компанитæ, фирмæтæ æмæ сæ къахдзæфтæй зæрдæ райы». Агропромышленнон равдыст цæудзæн æртæ боны. Программæйы — тымбыл стъолтæ, зонадон дискусситæ æмæ дæсныйад æвдисæг ахуыртæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv