Зарæггæнæн къордты аивады райхалинаг фарстатыл абон æрдзырдтой Дзæуджыхъæуы

Фембæлд сарæзтой Гæздæнты Гайтойы номыл республикон фæсивæдон чиныгдоны. Тымбыл стъол арæзт æрцыд Иры стыр ныхасы хъæппæрисæй. Ныхасы минæвæрттæм афтæ кæсы, æмæ тагъд рæстæг тæссаг у ирон адæмон зарджытæ чи кæны, уыцы къордтæ фесафын. Фембæлд райдыдта Цæгат Ирыстоны культурæйы министры хæстæ рæстæгмæ æххæсттгæнæг Къубалты Эльбрусы разныхасæй. Архайджытæ дзырдтой Стыр Ныхасы хатдзæгтæм гæсгæ жаныры цы райхалинаг фарстатæ ис, уыдоныл. Сæйрагдæртæ дзы сты Ирыстоны зарæггæнджыты къордтæн профессионалон разамонджытæ кæй нæ фаг кæны æмæ цы къордтæ ис, уыдонмæ фæсивæд кæй нæ хонынц, уыдон. Уыймæй уæлдай ма æрдзырдтой куысты фадæттæ сын хуыздæр скæныныл. Ацы фембæлдмæ æрбацыдысты республикæйы адæмон артисттæ, культурæ æмæ ахуырады сгуыхт кусджытæ, районты æмæ педагогон къабазы минæвæрттæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv