Æгас цæут

Уæрæсе æмæ Таджикистаны фæсивæдон форум арæзт æрцыд Дзæуджыхъæуы. Йæ архайджытæ Цæгат Ирыстонмæ схæццæ сты æрæджы. Фембæлдæн йæ сæйраг нысан у куысты фæлтæрддзинад кæрæдзийæн амонын, стæй ма ног проекттæ саразын дæр. Форумы архайджытæ фæнд кæнынц фæсивæды 'хсæн гуманистон хæзнатæ парахат æмæ сæ бæстæйы, стæй дунейы æхсæнадон царды архайынмæ разæнгард кæнын. Уазджыты 'хсæн уыдысты Паддзахадон Думæйы депутат Таймазты Артур æмæ нæ республикæйы спорт æмæ физкультурæйы министры хæстæ æххæстгæнæг Бæройты Хасан. Уазджытæ ма фембæлдзысты Цæгат Ирыстоны таджикаг æхсæнады уæнгтимæ. Форум ахæсдзæн 4-æм ноябрмæ. Уый фæстæ йæ архайджытæ араст уыдзысты Мæскуымæ. Бафтаудзыстæм ма уый, æмæ форум хæххон-аграрон университеты хъæппæрисæй кæй сарæзтой. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv