Рохгæнгæ нæу

Цæгат Ирыстоны Мидхъуыддæгты министрады историйы Музейы арæзт цæуынц æхсардзинады уроктæ. Цæгат Ирыстоны паддзахадон университеты студенттæн ахæм урок сарæзта мидхъуыддæгты министрады ветеран, республикæйы уголовон сгæрсты номдзыд кусæг Марик Лейкин. Милицæйы дæлбулкъон отставкæйы уыд уагдоны хуыздæр кусджытæй иу. Йæ бынатæй куы ацыд, уæд ныффыста чиныг «Владикавказский опер», зæгъгæ. Чиныг мыхуыры рацæуыны фæстæ бирæты зæрдæтæ балхæдта. Сгарæн куысты дæсны студенттæн радзырдта йæ службæйы цымыдисаг цауты тыххæй. Ветераны мысинæгтæ тынг сцымыдис кодтой фæсивæды. Ныртæккæ Марик Лейкин ис нæ республикæйы æппæтадæмон пъæлицæйы ассоциацийы регионалон хайады сæргъы. Арæх вæййы фæсарæнты. Фембæлы уым йæ фæсарæйнаг æмкусджытимæ дæр. Уыдоны фæлтæрддзинады тыххæй студенттæн радзырдта. Ахуырдзаутæ ма федтой музейы фонды экспонаттæ дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv