Цæгат Ирыстоны паддзахадон программæ гæсгæ хъæуты æмæ чысыл горæтты сараздзысты 50 хæдзары

Цæгат Ирыстоны паддзахадон программæ «Комплексное развитие сельских территорий»- мæ гæсгæ хъæуты сараздзысты 50 хæдзары. Проектыл бакусынæн республикæйæн рахай кæндзысты 102 милуан сомы. Проект æххæст кæндзысты 2020-æй 2025 азмæ. Уый тыххæй хъусын кæны нæ республикæйы хъæууон хæдзарад æмæ хойраджы министрад. Програмæммæ бахаудзысты 30 мин адæймагæй къаддæр кæм цæры, уыцы хъæутæ æмæ чысыл горæттæ. Уыимæ ма, фæхуыздæр кæндзысты хъæуы адæмы царды фадæттæ. Сæ бон уыдзæн субсидитæ райсын хæдзæрттæ самал кæнынæн. Хъæуты ма араздзысты хæдзæрттæ хаццоны райсыны бадзырдмæ гæсгæ. Бакусдзысты хъæуты социалон, инженерон æмæ транспортон инфраструктурæйыл. Дон æмæ газы фарстатæм æргом аздахдзысты. Фелшырон-акушерон пункттæ, рæвдауæндæттæ, съколатæ, культурæйы хæдзæрттæ бындуронæй сцалцæг кæндзысты. Снывыл кæндзысты фæндæгтæ дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv