Радон Æмбырд

Æнæмæнг медицинон фæдзæхстады фонды бюджетмæ бахæсдзысты 9 миллиард сомы. Уый тыххæй фехъусын кодта æнæниздзинады министр Михаил Ратманов Хицауады æмбырды.  Ныхас ма дзы кодтой, бирæуæладзыгон хæдзæртты рацарæзтмæ æхца чи бахаста, фæлæ кæй фæсайдтой, уыдоны уавæры тыххæй. Икъаты Русланбег бахаста йæ хъæппæрис, фæндаггон картæ сбæлвырд кæнынæн. Сфидар кодтой сидзæр сывæллæттæн æхцайы фæрæзтæй баххуыс кæныны фæтк дæр. Æрыгон журналистты ассоциаци бахаста курдиат, хъæппæрисджын журналисттæн хицæн агъуыст раттын. Уый фæдыл, Хицауад Мыхуыры хæдзары радих кодта 2 агъуысты 7-æм уæладзыджы . Хъæууон хæдзарады министр Уазиты Хъазыбег æрдзырдта аграрон фарстатыл. Йæ ныхæстæм гæсгæ республикæйы стурвосы нымæц фæкъаддæр. Цæмæй уавæр фæхуыздæр уа, уый тыххæй, Мызуры сараздзысты кооператив, радих ын кодтой 70 милуан сомы. Уымæй уæлдай ма, 1 миллиард сомы радих кæндзысты стурвос фæфылдæр кæнынæн æмæ ног техникæ балхæнынæн. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv