«Мах æвзарæм цард»

«Мах æвзарæм цард» — ахæм сæргондимæ акци сарæзтой наркотикты ныхмæ профилактикон хайады специалисттæ Æрыдоны районы. Фæсивæдæн радон хатт сæ зæрдыл æрлæууын кодтой, наркотиктæ цавæр фæстиуджытæм расайынц, уый. Уымæй уæлдай ма сын радзырдтой, наркотиктæ уæйгæнджытæ цы фæлитой митæ фæкæнынц æмæ æрыгæтты наркотиктыл куыд фæцахуыр кæнынц, уый тыххæй. Цæмæй йæ хуыздæр бамбарой, уый тыххæй ма фæсивæдæн равдыстой киноныв. Мадзалы архайдтой республикæйы æмæ Æрыдоны районы администрациты минæвæрттæ, медицинон кусджытæ, барадхъахъхъæнджытæ, æхсæнадон æмæ политикон организациты уæнгтæ. Зæгъын хъæуы уый, æмæ наркотикты ныхмæ акци арæзт цæуы нæ республикæйы сæргълæууæг Битарты Вячеславы хъæппæрисæй. Уыдзысты нæ республикæйы æппæт районты дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv