Йæ цæрæнбынат чи ныууагъта, уыцы адæм дыууæ азмæ хъуамæ фатертæ райсой

Æнæбары йæ цæрæнбынат чи ныууагъта, уыцы адæм дыууæ азмæ хъуамæ фатертæ райсой. Ныртæккæ цæрæнуæтты сертификаттæм æнхъæлмæ кæсынц 1238 бинонтæ. Уыдонæй 600 бинонтæ сертификаттæ хъуамæ райсой ацы аз. 2015-æм азмæ хæдзар райсынмæ рады лæууыд 2 мин адæймагæй фылдæр. Фарстамæ йе `ргом аздæхта республикæйы хицауад. Республикæйæн рахай кодтой æхцайы фæрæзтæ федералон бюджетæй. 2015-æм азы сертификаттæ райстой 100 бинонтæ. Азæй-азмæ уыцы нымæц фылдæрæй-фылдæр кодта. Фыццаг фæдывæр, уый фæстæ йыл æртæ хатты бафтыд. Афтæ дарддæр куы ахæсса, уæд дыууæ азмæ программæ æхгæд æрцæудзæн, зæгъынц республикæйы арæзтад æмæ архитектурæйы министрады. Сертификаттæ дæттыны куысты ахадгæ æххуыс бакодта арæзтад æмæ архитектурæйы уæды министр Икъаты Русланбег дæр. Уæ зæрдыл уын æрлæууын кæндзыстæм, программæмæ гæсгæ 2018-æм азы ма республикæйæн 1 миллиард æмæ 200 милуан сомы кæй рахай кодтой, уый. Бахардз сæ кодтой, йæ сертификаттæм рагæй чи `нхъæлмæ кæсы, уыцы 600 бинонтыл. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv