Прокуратурæйы кусджытæ сбæрæг кодтой сæ профессионалон бæрæгбон

Уæрæсейы прокуратурæйы кусджытæ 12 январы сбæрæг кодтой сæ профессионалон бæрæгбон. Ацы аз ведомствæйыл сæххæст 298 азы. Цæгат Ирыстоны прокуратурæ та бæрæг кæны йæ равзæрды 96 азы. Прокуратурæйы кусджытæн сæ хæс у паддзахады æмæ æхсæнады бартæ хахъхъæнын. Сæ куыст у бирæвæрсыг æмæ хъæугæ. Бæрæгбоны фæдыл нæ республикæйы прокуратурæйы кусджытæн арфæйы ныхæстæ ракодта Битарты Вячеслав. Ведомствæйы кусджытæн арфæйы ныхæстæ ракодты республикæйы генералон прокурор, Александр Морозов дæр. Уагдоны бæрнон кусджытæй æмæ сæ æнтыстытæй сæрыстыр кæй у, уый фæбæрæг кодта. Бæрæгбонмæ гæсгæ, стæй куысты сæхи æнтыстджынæй чи равдыста, уыдонæн саккаг кодтой кадджын хæрзиуджытæ, кады гæххæттытæ, арфæйы фыстæджытæ æмæ æхцайы премитæ. Уыимæ ма, премитæй фæбæрæг кодтой прокуратурæйы æппæт федералон кусджыты дæр. Бирæ азты дæргъы йæ куыст иттæг хорз чи æххæст кодта, уыдонæн та саккаг кодтой Уæрæсейы прокуратурæйы ветеранты ном. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv