Кемеровойы зынгсирвæзты амæттæгты номыл

Æгас бæстæйы цæрджытæ хъыг кæнынц, Кемеровойы зынсирвæзты æвирхъауæй кæй цард аскъуыд, уыдоныл. Саударæн боны тыххæй указ бафыста бæстæйы президент Владимир Путин. Абон æппæт регионты дæр дæлæмæ æруагътой Паддзахадон тырысатæ, фæстæдæр æмгъуыдмæ аргъæвтой хиирхæфсæн хъуыддæгтæ. Уæрæсейы алы регионты цыдысты минут æдзæмæй алæууыны мадзæлттæ, номарæн акцитæ. Уыдоны `хсæн - не республикæ дæр. Кемеровы облæст сау дардзæн æртæ боны. Зынгсирвæзты фæдыл Уæрæсейы Слестгæнæн комитет байгом кодта уголовон хъуыддаг. Раздæр бынатмæ сæмбæлд Владимир Путин дæр. Зæрдæ бавæрдта, аххосджынты раиртасын æмæ сæ бафхæрыныл куыст æргомæй кæй цæудзæн. Уыимæ, чи цы бынат ахсы, уый уæлдай нæ уыдзæн. Уæ зæрдыл уын æрлæууын кæндзыстæм, 25-æм мартъийы Кемеровойы базарадон центры зынгсирвæзты аххосæй 64 адæймаджы кæй фæмард. Уыдонæй 41 уыдысты сывæллæттæ. Дæсгай адæймæгтæ бахаудысты рынчындонмæ. Адæм ныр цалдæр боны базарадон центры сыгъд къулты рæбынтæм хæссынц дидинджытæ, сывæллоны хъазæнтæ, судзынц сойын цырæгътæ. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv