Ивгъуыдæй салам

Раздæры фæскомцæдисонтæ, ныр та Æппæтцæдисон фæсивæдон змæлд, бæрæг кæны йæ 100 азы юбилей. Уый фæдыл Уæрæсейы алы регионы дæр цæудзысты бæрæгбоны мадзæлттæ. Юбилей Тæмисчъы æрбамбырд кодта Цæгат Кавказы, Хуссары федералон зылды æмæ нæ республикæйы фæскомцæдисонты дæр. Форумы программæ бирæвæрсыг у. Бæлвырддæр хабæрттæ - нæ дарддæры æрмæджы. Ацы æвзонг фæсивæды минæвæртты фидарæй уырны, фæскомцæдисонт организаци æгъдау æмæ æнгомдзинад фидардæр чи кæны, ахæм къорд. .Афтæ хъуыды кæны Бырнацты Давид дæр. Фæскомцæдисы рæнхъыты ныр 4 азы ис. Йæ нана æмæ йæ дада дæр, уæдæ йæ ныййарджытæ дæр кæддæр фæсивæды коммунистон цæдисы уæнгтæ уыдысты. Ахæм фæзминаг хистæртимæ лæппу, афтæ сцыбæл ис, æмæ йын форумы бацархайыны фадат куы фæци, уæд уайтагъд сразы. Æцæг фæскомцæдисон цавæр хъуамæ уа, уый лæппуйæн æнæзонгæ нæу. Давид Бурнацев: «Уый у иудзинад, æмбалдзинад. Мæн ахуыр кодтой фæлдисын. Цы ис, ууыл æфтауын, адæмуарзон уæвыныл.Уымæй уæлдай ма фæскомцæдисы уæнгты хсæн фембæлдтæ аразынц , уырдæм æрцæуынц æппæт Уæрæсейæ, кæрæдзиимæ базонгæ вæййæм, аныхас кæнæм,к æрæдзиимæ лымæн цард кæнæм». Фæскомцæдисæн бындур куы æрæвæрдтой, ууыл 100 азы рацыд. Бæрæгбоны фембæлдмæ ссыдысты нæ республикæйы районты минæвæрттæ, Цæгат Кавказы æмæ Хуссары федералон зылды фæсивæд .Мадзал аразджытæ куыд фæнысан кодтой, афтæмæй ахæм форум нæ республикæйы арæзт цæуы фыццаг хатт. Йæ архайджытæ сæдæйæ фылдæр сты. Се ппæты дæр æрбангом кодта иу хъуыды - Фæскомцæдисонты бастдзинæдтæ сфидар кæнын. Елена Князева: «Уыдон иу кæны сæ зæрдæты уаг, сæ уды сыгъдæгдзинад. Æппæтцæдисон фæсивæдон комунистон цæдис, кæддæр уыд паддзахадон, партион кусджыты куырдадз. Нæ партийы руаджы, Уæрæсейы фæскомцæдисон организацийы фæрцы, нæ фæсивæдон къорд бахъахъхъæдтам. Бакуыстам йæ рæзтыл æмæ ныр цæхæртæ калы. Зæрдæ дарæм, кæддæрау, йæ къæхтыл фидар кæй æрлæуддзæн, тыхджындæр кæй кæндзæн». Фембæлдмæ ссыд Уæрæсейы Коммунистон Партийы центрон комитеты секретарь Владимир Исаков дæр. У йæ Фыдыбæстæ зæрдæйæ чи уарзы, йæ адæмы историйæ йæ сæр бæрзæндты чи хæссы. ахæм адæймаг. Куыд зæгъы, афтæмæй,цæры Мæскуыйы, фæлæ Цæгат Ирыстоны истори хорз зоны. Фæнды йæ цæмæй йæ зоной æрæгæттæ дæр, уæлдайдæр та уазджытæ. Уымæн та ацы фембæлдтæ сты пайда, чингуыты цы ис нæ бакæсæн, уый фехъусæн æмæ базонæн ис ам. Æз Мæскуыйы цæргæйæ, зонын, Цæгат Ирыстоны æппæты фылдæр Фыдыбæстæйы Стыр хæсты хъæбатыртæ кæй ис, уый. Хæсты быдыры ы лæгдзинад равдыстой, уый та бирæтæн дæнцæгæн хæссинаг у. . Мæнæн уый тынг ахсджиаг у. Цы лæгдзинады уроктæ саразæм уым, уым истори куыд у, афтæ йæ радзурын. Фидарæй мæ уырны - сывæллæттæ æй зондзысты. Уымæ гæсгæ ам цы адæм æрæмбырд вæййынц, уыдон удæй фидар кæнынц. Форумы фæсивæдимæ удуæлдайæ кусынц.Аивадон,спортивон æмæ граждайнаг-патриотон хъомыладмæ дзы уæлдай тынг ргом здæхт цæуы. Аразынц сын национ æрмдæсныйад æвдисæн ахуыртæ æмæ фембæлдтытæ. Форумы архайджытæн саразанц экскурситæ,ахæм хуызы сæ зонгæ кæнынц Цæгат Ирыстонимæ. Форумы кæронбæттæны,арæзт æрцæудзæн фестиваль "Курдиæтты зæхх". Архайдзысты дзы нæ бæстæйы алы регионты фæсивæд. Уæлахиздзауты та фæхондзысты Мæскуыйы кæронбæттæн фестивальмæ. . _ Мы рядом в: vk.com/irystontv instagram.com/irystontv youtube.com/irystontv twitter.com/irystontv