Адæмон фронты уæнгтæ æркастысты цæрджыты риссаг фарстатæмæ

Æппæтуæрæсеон адæмон фронты уæнгтæ æмæ æхсæнадон организацитæн уыди æмбырд. Æмбырды сæйраг фарста баст уыд, Уæрæсейы президенты фембæлды рæстæг нæ республикæйы цæрджытæ цы фарстатæ лæвæрдтой, уыимæ. Уæ зæрдыл ма уын æрлæууын кæндзыстæм, 31 октябры Владимир Путин фембæлд Калининграды æхсæнадон организацитимæ. Уым баныхас кодта семæ, цæмæй йæ комкоммæ бастдзинады рæстæг цы фарстатæ лæвæрдтой адæм, уыдонæн сæ фылдæр хай æнæцæстдардæр ма баззайой. Уый фæдыл алы регионы дæр арæзт æрцыдысты бархионты штаб. Нæ республикæйы ацы штаб кусы æртыккæгæм къуыри. Ныридæгæн алы къабазы æхсæнадон организаци дæр йæхимæ райста кæцыдæр фарстаты хай. Алчидæр сæ сæрмагондæй дзуры, фарста чи ратта уымæ, цæмæй хъуыддаг сбæлвырд кæной, уый тыххæй. Ныры онг Адæмон фронты системæйы ис милуанæй фарстайæ фылдæр. Уыдонæй 2 минæй фылдæр Цæгат Ирыстонæй. Ныртæккæ бархионтæ цы фарстатыл кусынц, уыдоны 'хсæн ис ахæм адæм, баххуыс кæнын кæмæн хъæуы материалон, кæнæ та консультативон æгъдауæй. Уæдæ Фыдыбæстæйы хæсты чи фесæфт, уыцы хæстонты тыххæй дæр дзы гыццыл æрмæг нæй. Фарстатыл лæмбынæгæй кусынц куыд Адæмон фронты уæнгтæ, афтæ æхсæнадон организацитæ дæр. Бахъуаджы рæстæг та сæ фарстатæ арвитынц хицауады уæгтæм. Хъараты Роман, æппæтуæрæсеон студентты ирвæзынгæнджыты корпусы цæгат-ирыстойнаг хайады сæрдар: «Мах кусæм, нæ къабазмæ цы фарстатæ хауынц, уыдонимæ. ныридæгæн уал бæстонæй бацархайдтам иу кæцыдæр фарстатимæ. Мæнæ, зæгъæм, нæ республикæйы агурæн-ирвæзынгæнæн къорды курдиатмæ гæсгæ дæр кусæм. ныртæккæ æмбырд кæнæм хъæугæ гæххæтытæ, уымæн æмæ фарста баст у федералон æмвæзадимæ. хъуамæ рæстдзинад бæрæг уа». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv