Лæмбынæг цæстдард

Фæндæгты бындурон цалцæг æмæ сæ æмбæлгæ уавæры дарыны тыххæй дзырдтой Хицауады уæнгтæ нæ республикæйы сæргълæууæгимæ фембæлды. Битарты Вячеславы ныхæстæм гæсгæ, ацы хъуыддаг районты администрациты бæрны ис. Уыимæ ма кæсын хъæуы бынæттон, республикон æмæ федералон фæндæгты санитарон уавæрмæ дæр. "Кæд разамынддæттæг компани йæ хæстæ не `ххæст кæны, уæд йемæ бадзырд фехалын хъæуы"- загъта Цæгат Ирыстоны сæргълæууæг. Æмбырды ма дзырдтой Дзæуджыхъæуы æнцонвадат цардыуаджы программæйыл дæр. Муниципалитетты сæргълæуджытæ хъуамæ дзуапп дæттой, сæ районы цы бæстыхæйттæ арæзт цæуынц, уыдонæн се `ппæтæн. Уыимæ сæм хъуамæ уа арæзтадон куыстыты фæтк. Æмбырды ма `ркастысты кæлæддзаг хæдзæртты цæрджыты ногтæм раивыны æмæ, бирæфатерон хæдзæртты бындурон цалцæджы программæтæ куыд æххæстгонд цæуынц, уымæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv