Къостайы хæдзар-музейы

Ирон æвзаг æмæ литерæтурæйы бонмæ Хетæгкаты Къостайы номыл хæдзар-музейы æрвылаз вæййынц сæрмагонд мадзæлттæ. Абон дæр фæстейы нæ баззадысты æмæ проект «Æвидигæ суадоны» фæлгæты, бæрæгбонмæ сарæзтой равдыст. Фæкастысты сæм Дзæуджыхъæуы 28-æм æмæ Суададжы скъолаты ахуыргæнджытæ æмæ ахуырдзаутæ. Бацæттæ кодтой литературон-музыкалон композици. Æрбацыд сæм абхазаг поэт Генадий Алаамия. Куыд рабæрæг афтæмæй, хуымæтæджы нæ. Геннадий Къостайы сфæлдыстадон бынтæ абхазаг æвзагмæ дыууæ хатты ратæлмац кодта. Иу хатт цыбыр æмбырдгондæй, уый фæстæ та йæ уацмыстæ æххæстæй. Фембæлд алкæмæн дæр уыд æхсызгон. Абхазаг уазæг Ирыстоны кæддæриддæр кадджын уыд, уымæ гæсгæ поэтæн скодтой зæрдылдарæн лæвæрттæ. Музейы хистæр наукон кусæг Отараты Зæлинæ куыд зæгъгы афтæмæй, ахæм мадзæлттæ систы традицион æмæ сæ дарддæр дæр æххæст кæндзысты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv