Цæгат Ирыстоны скъолаты цæуынц æдасдзинады уроктæ

Уæлдай æргом здахынц скъолатæ æмæ сывæллæтты рæвдауæндæттæм. Урокты рæстæг специалисттæ сывæллæттæн æмбарын кæнынц зынгсирвæзты ныхмæ домæнты тыххæй, уыимæ ма фыдбылызы рæстæг хи куыд дарын хъæуы, уый дæр. Фæнысан ма сын кодтой зынгсирвæзты рæстæг телефонæй цавæр номырмæ дзурын хъæуы, уый дæр. Афтæмæй, прогимнази «Эрудит»-ы ахуыры азы фыццаг бонты райдиан кълæсты ахуырдзаутæн сарæзтой «Огонь-наш друг, огонь - наш враг», зæгъгæ, профилактикон мадзал. Бацæттæ йæ кодтой Дзæуджыхъæуы Цæгат-Ныгуылæн районы цæстдарæн æмæ профилактикон куысты хайады специалисттæ æмæ зынгсирвæзты ныхмæ пропогандæйы æмæ æхсæнадимæ бастдзинады минæвæрттимæ. Уыдон хъазты хуызы сбæрæг кодтой зынгсирвæзты ныхмæ домæнты тыххæй скъоладзауты зонындзинæдтæ. Мадзал аразджытæ сæ разыйæ баззадысты. Зынгсирвæзты ныхмæ домæнты зонындзинад иттæг хорз равдыстой Сунжæйы скъолайы ахуырдзаутæ дæр. Уыдон æрмæст домæнтæ нæ, фæлæ ма фыццаг медицинон æххуыс бакæнын куыд хъæуы, уый дæр зонынц. Æдасдзинады уроктæ ма ацыдысты Цæгат Кавказы аграрон - технологон колледжы студенттимæ. Уым ирвæзынгæнджытæ ахуырдзаутæн бамбарын кодтой цардæн тæссаг уавæры хъуамæ адæймаг ма стыхса. æххæст кæны хъæугæ домæнтæ. Æдасдзинады домæнтæ ма сæ зæрдыл æрлæууын кодтой Мæздæджы скъоладзаутæн. Ахуыргæнинæгтæн равдыстой сæрмагонд техникæ. Ахæм хуызы ахуыртæ арæзт цæуынц республикæйы алы регионты дæр. Сæ фæлгæты æрмæст теорийы хуызы ахуыртæ, фæлæ ма сын практикæйы дæр сывæллæттæн æвдисынц, цардæн тæссаг уавæры хи куыд дарын хъæуы, уый. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv