Цæгат Ирыстоны паддзахадон университеты уыд ирон æвзаг ахуыр кæныны амæлтты тыххæй æмбырд

Ирон æвзаг амонгæйæ, нырыккон интерактивон методтæ æмæ технологитæй пайда кæнын. Ацы фарстайыл ныхас цыд, Цæгат Ирыстоны паддзахадон университеты цы æмбырд ацыд, уым. Ирон филологийы студенттæ æмæ ахуыргæнджытæ, стæй республикæйы скъолаты ахуыргæнджытæ фæхай кодтой сæ фæлтæрддзинадæй, равдыстой сæхи ахадгæ методикæтæ æмæ куысты хуызтæ. Æмбырд ацыд Ирон æвзаджы кафедрæйы доцент Майрæмыхъуаты Фатимæйы хъæппæрисæй. У Ахуыргæнæг æмæ зондамонæджы азы фæлгæты арæзт мадзæлттæй иу.