Ныр та иронау

Хетæгкаты Къостайы номыл паддзахадон университеты профессор, журналистикæйы факультеты кафедрæйы сæргълæууæг æмæ нæ республикæйы ахуырады сгуыхт кусæг Тедтойты Зинæидæйы ног чиныджы презентаци абон уыд Национ библиотекæйы. Сфæлдыстадон фембæлдмæ æрæмбырд сты йе 'мкусджытæ æмæ хæлæрттæ. Национ библиотекæйы абон суазæг кодтой бирæ адæм. Ныр иронау Иван Тургеневы уацмыстæ бакæсын йæ бон у алкæмæндæр. Ахæм чиныгыл бакуыста профессор, журналистикæйы факультеты кафедрæйы сæргълæууæг Тедтойты Зинаидæ. Ацы аз æппæт бæстæ бæрæг кæны уырыссаг фыссæг Иван Тургеневы райгуырды 200 азы бон. Æмбырдгондмæ хаст æрцыдысты ахæм уацмыстæ, куыд: «Хорь и Калиныч», «Воробей», «Природа», «Ася», «Муму» æмæ æндæртæ. Чиныг ирон æвзагмæ ратæлмац кæныныл бакуыстой Дзасохты Музафер, Дойаты Сергей, Хохойты Энвер, Бекуызарты Валентинæ æмæ æндæртæ. Тедтойты Зинаидæйы куыст у ахадгæ. Алы рæстæджыты уырыссаг æмæ дунейы литературæйы классикты уацмыстæ ирон æвзагмæ тæлмац кæны. Ныридæгæн ирон æвзагыл рухс федтой Лев Толстойы, Антон Чеховы, Николай Гоголы, Николай Некрасовы, Михаил Лермонтовы, Максим Горькийы уацмысты æмбырдгондтæ. Йе `мкусджытæ дзы æппæлынц - Зинаидæ у растзæрдæ æмæ йæ куыстыл æнувыд адæймаг. Йæ чингуытæ пайда сты бирæтæн: ирон æмæ уырыссаг æвзаг, стæй литературæйы ахуыргæнджытæн, студенттæн, аспиранттæн, литературæиртасджытæн. Уыимæ ма уырыссаг æмæ дунейы литературæйы классикты уацмыстæ чи уарзы, уыдонæн. Ног чиныджы тираж у 300 экземпляры. Пелиты Сабинæ _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv