Цæгат Ирыстоны делегаци архайы æппæтадæмон туристон равдысты Испанийы

Цæгат Ирыстоны делегаци архайы æппæтадæмон туристон равдысты, Испанийы. Ацы аз у фыццаг егъау туристон мадзал. Æппæт бæстæты туристон къабазы минæвæртты бон у кæрæдзиимæ базонгæ уæвын. Стæй пайдайаг æмгуыстады бадзырдтæ бафыссын. Нæ республикæйы сæрмагонд равдыст, форумы архайджытæ æмæ уазджыты сцымыдис кодта. Бирæты зæрдæмæ фæцыд презентаци æмæ регионы рæсугъд æрдзы æвдисæнтæ. Уæрæсейы стенды та равдыстой Санкт-Петербург, Сочи, Калининград, Ростов æмæ Мæскуыйы облæсттæ, Камчаткæйы край æмæ Татарстаны республикæйы стæм туристон авналæнтæ. Испанийы туристон равдыст у Европæйы егъаудæртæй иу. Йæ архайджыты 'хсæн ис туристон агентадтæ, фысымуæттæ, бæлццæттæ ласæг компанитæ Испани æмæ Латинаг Америкæйы бæстæтæ. Ацы бæстæтæн сæ бон у хуыздæрырдæм сахадын Уæрæсейы туризмы райрæзтыл дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv