Боксæй ерыстæ

Дзæуджыхъæуы ацы бонты ис Европæйы ерыстæ боксæй юниорты хсæн. Тох кæнынц 250 архайæджы 39 бæстæйæ. Уæрæсейы иугонд командæйы архайы 20 спортсмены. Се `хсæн не мзæххон - Абайты Алан.Уый ныридæгæн дыууæ хатты сси уæлахиздзау. Дардææр тох кæндзæн 13 мартъийы. Ахæм егъау турнир канд Дзæуджыхъæуы нæ фæлæ æгас Цæгат Кавказы дæр фыццаг хатт арæст æрцыд. Тренертæ æмæ спортментæй уæлдай ма ацы турнирмæ бæстонæй цæттæ кодтой йæ аразджытæ дæр. Уæлдай æргом аздæхтой æдасдзинадмæ. Ацы ахсджиаг мадзалмæ нæ республикæмæ ссыд Уæрæсейы боксы федерацийы генералон секретарь Умар Кремлев. Куыд фæнысан кодта афтæмæй нæ регион рагæй хъуыстгонд у зындгонд боксертæй, уымæ гæсгæ чемпионат кæм хъуамæ арæзт æрцыдаид, ууыл бирæ нæ хъуыды кодтой. Уазджытæн ма арфæйы ныхæстæ ракодта нæ республикæйы сæргълæууæг Битарты Вячеслав. Уый боксы федерацийы минæвæрттæн загъта бузныг ацы бæрнон хъуыддаг махæн кæй бабар кодтой уый тыххæй. Спортсментæн та йæ зæрдæ зæгъы уæлахизтæ. Ерыстæ цæудзысты къуыри. Европæйы чемпион боксæй сбæрæг уыдзæн 17 мартъийы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv