Музыкалон фестиваль филармонийы

Нæ республикæйы райдыдта 12-æм æппæтадæмон музыкалон фестиваль. Фыццаг хатт уыцы-иу рæстæг арæзт æрцыд Дзæуджыхъæуы æмæ Санкт-Петербурджы. Цæгат Ирыстоны филармонийы сценæйы сæ дæсныйад æвдисынц уæрæсейаг æмæ фæсарæйнаг пианисттæ.  Музыкалон форум ахæсдзæн 27-æм декабрмæ, уæдмæ ратдзысты 7 концерты. Дзæуджыхъæуы аивадуарзджытæ уал аргъ скодтой швейцариаг дирижер Миша Дамевæн. Разамынд цы оркестрæн лæвæрдта, уый ацагъта Сергей Рахманиновы «Дыккæгæм концерт». Сæйраг парти дзы равдыста уæрæсейаг пианист Константин Шамрай. Музыканты æрхуыдта Гергиты Валерий. Миша Дамев: «Ам ис дзæбæх адæм. Дзæуджыхъæу диссаджы горæт у. Иу чысыл атезгъо кодтон, æмæ ме уæнгты цыма тых бацыди, афтæ мæм кæсы. Ацы горæт мæм кæсы Швейцарийы горæты хуызæн». _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv