Цæгат Ирыстоны Фæлхасгæнджытæм цæстдарды службæ гриппы ныхмæ кæны вакцинаци

Цæгат Ирыстоны Фæлхасгæнджытæм цæстдарды разамынд райдыда прививкæтæ кæнын æхснырсæг æмæ гриппы ныхмæ. Уый тыххæй хъусын кæны федералон службæйы разамонæджы хæдивæг Къаболаты Заремæ. Йæ ныхæстæм гæсгæ, ныртæккæ уыцы хæцгæ низтæй фæрынчын уæвыны уавæр эпидемиологон æмвæзадæй фылдæр нæу. Ивгъуыд къуыри нæ республикæйы рынчындонтæм медицинон æххуыс расынмæ бахатыдысты 947 адæймаджы. Районтимæ абаргæйæ та сæ нымæц у 1400. Рынчындонты дзæбæхгæнæн хайæдтæм арвыстой 82 адæймаджы. Уыдонæй 73 сты сывæллæттæ. Ацы азы бæрæггæнæнтæм гæсгæ, снысан кодтой пневманийæйæ чи фæрынчын, ахæм 14 адæймаджы. Дохтырты ныхæстæм гæсгæ, ацы вакцинаци æнæниздзинадæн тæссаг ницæмæй у. Хосы мидæг ис «А» æмæ «В»-йы вирусты штаммтæ. Уыдон адæймагæн ахъаз сты сæ æнæниздзинад фæфидардæр кæнынæн. Привкæтæ кæнынц сывæллæттæн дæр, æмæ хистæр кары адæмæн дæр. Абон сæ скодтой куыстуаты фæллойгæнджытæ дæр. Сты лæвар. Вирусы ныхмæ тох кæнæн ис æрмæстдæр вакцинацийы руаджы», - зæгъынц дохтыртæ. Ацы хъуыддаг бæрæггонд у наукон иртæстытæй. Специалисттæ сидынц, цæмæй алы адæймаг дæр æнæмæнг ацы вакцинæ скæна. Алы аз дæр вакцинæ цы æрмæджытæй кæнынц, уый æндæр æмæ хуыздæр вæййы, стæй гриппы ныхмæ иммунитет хъæддыхдæр вæййы æрмæстдæр иу азмæ æмæ уый руажджы та фæрынчын уæвынæн гæнæн нал вæййы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv