Аслан Гирей Галатийы номыл культурæйы фонды разамонæг Гæбæраты Андрей

«Хæххон адæмты традицион æмæ аивадон культурæйы проблемæтæ». Ахæм наукон-практикон форум ацæудзæн 21-æй - 26 июльмæ Цæгат Ирыстоны. Снысан æй кодтой ирон композиторты скъолайы бындурæвæрæг, дирижер Галаты Барисы райгуырæн боныл 130 азы кæй ххæст кæны, уый номыл. Конференцийы амидингæнджытæ сты Уæрæсейы Федерацийы культурæйы министрады, Аивæдты историйы институт æмæ Аслан-Гирей Галатийы номыл культурæйы фонд. Уыимæ ма нæ республикæйы хицауад дæр. Форумы фæлгæты сараздзысты алы хуызон цымыдисаг дæсныйад æвдисæн ахуыртæ, быдыры экспедицитæ æмæ национ музыкæйы концерттæ. Ахæм стыр мадзалмæ уазджытæ æрбамбырд уыдзысты дунейы алы къуымтæй - Украинæйæ, Казахстанæй, Турцийæ, Германийæ, Австрийæ æмæ æндæр бæстæтæй. Цавæр ахадындзинад ис форумæн, уый тыххæй нын радзурдзæн йæ амидингæнджытæй иу. Абон у нæ студийы уазæг - Аслан-Гирей Галатийы номыл культурæйы фонды разамонæг Гæбæраты Андрей. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv