14-17 азы кæуыл цæуы, уыцы фæсивæдæн сарæзтой фестиваль «Икигай»
Ацы стъолы уæлхъус 16-аздзыд Лагкуты Николь хъæздыгдæр кæны йæ финансон зонындзинæдтæ. Чызг у Культурæйы республикон колледжы студенткæ, фæнд кæны балеринæ суæвын. Балет у, цард снывонд кæнæн цы аивадæн ис, ахæм, - зæгъы чызг. Фæлæ амалхъомады къабазы зонындзинæдтæ никуы ма никæй бахъыгдæрдтой. Фестиваль арæзт у 14-æй 17 азы онг фæсивæдæн. Ацы кары минæвæрттæм уæлдай æргом здахын хъæуы. Дыууæ сахатмæ архайджытæ бакуыстой финансон зонындзинæдтыл, ныхас кодтой ахастдзинæдтæ æмæ зæрдæхудтыл, сфæлдыстадон хъуыдыкæнынадыл. Æппæт архайд дæр цæуы алыхуызон нывтæ æмæ фыстытимæ, хъазты хуызы. Афтæмæй психологиимæ баст фарстатæ æнцонæй аиуварс вæййынц. Архайджытæн æххуыс кæнынц хъæзтытæ аразæг специалисттæ. Сты Дзæуджыхъæу, Ростов-на-Дону æмæ Налцыккæй. Сæргонд «Икигай» хуымæтæджы нæ равзæрстой. Уый у япойнаг философи. Ахуыр кæны æрвылбоны царды циндзинад арын. Фæсивæды фестиваль у социалон. Фыццаг хатт ацыд фарон сæрды Налцыччы. Мадзаларазджыты ныхæстæм гæсгæ, архайджытæн стыр хъомыс радта. Фестиваль фæнд кæнынц æгас бæстæйы аразын æппынæдзух. 18 азы онг кæуыл цæуы, уыцы фæсивæд архайынц лæвар. Мадзалы æууæлтæ бæлвырддæр базонæн æмæ йæм хи ныффысæн ис фестивалы сæрмагонд фарсы интернеты.
Ацы стъолы уæлхъус 16-аздзыд Лагкуты Николь хъæздыгдæр кæны йæ финансон зонындзинæдтæ. Чызг у Культурæйы республикон колледжы студенткæ, фæнд кæны балеринæ суæвын. Балет у, цард снывонд кæнæн цы аивадæн ис, ахæм, - зæгъы чызг. Фæлæ амалхъомады къабазы зонындзинæдтæ никуы ма никæй бахъыгдæрдтой. Фестиваль арæзт у 14-æй 17 азы онг фæсивæдæн. Ацы кары минæвæрттæм уæлдай æргом здахын хъæуы. Дыууæ сахатмæ архайджытæ бакуыстой финансон зонындзинæдтыл, ныхас кодтой ахастдзинæдтæ æмæ зæрдæхудтыл, сфæлдыстадон хъуыдыкæнынадыл. Æппæт архайд дæр цæуы алыхуызон нывтæ æмæ фыстытимæ, хъазты хуызы. Афтæмæй психологиимæ баст фарстатæ æнцонæй аиуварс вæййынц. Архайджытæн æххуыс кæнынц хъæзтытæ аразæг специалисттæ. Сты Дзæуджыхъæу, Ростов-на-Дону æмæ Налцыккæй. Сæргонд «Икигай» хуымæтæджы нæ равзæрстой. Уый у япойнаг философи. Ахуыр кæны æрвылбоны царды циндзинад арын. Фæсивæды фестиваль у социалон. Фыццаг хатт ацыд фарон сæрды Налцыччы. Мадзаларазджыты ныхæстæм гæсгæ, архайджытæн стыр хъомыс радта. Фестиваль фæнд кæнынц æгас бæстæйы аразын æппынæдзух. 18 азы онг кæуыл цæуы, уыцы фæсивæд архайынц лæвар. Мадзалы æууæлтæ бæлвырддæр базонæн æмæ йæм хи ныффысæн ис фестивалы сæрмагонд фарсы интернеты.