Дзæуджыхъæуы æмæ Ногиры сцалцæг кодтой дыууæ уынджы фæндæгтæ

Паддзахадон думæйы депутат, парти «Иугонд Уæрæсе»-йы регионалон хайады секретарь Таймазты Артур сбæрæг кодта Дзæуджыхъæуы æмæ Ногиры цалцæггонд фæндæгты уавæр. Ногиры Транскамы аразджыты номыл уынджы раздæр фистæгцæуджытæн фæндаг нæ уыд. Сывæллæттæ-иу скъоламæ цыдысты хæдтулгæты фæндагыл. Ныр, хъæумæ бацæуæны асфальт сног кодтой. Уыцы хай хауы Дзæуджыхъæумæ. Банывыл кæндзысты, хъæуы мидæг цы фæндæгтæ ис, уыдон дæр. Сæ курдиат депутатмæ бахастой Дзæуджыхъæуы Зелёная уынджы цæрджытæ дæр. Æрæджыйы онг фæндаг уыд базилинаг. Фарстамæ æргом раздæхтой. Сцалцæг кодтой асфальты уæлцъар. Уыимæ ма, сифтонг кодтой хæдзæрттæм бацæуæнтæ æмæ фистæгцæуджытæн фæндæгтæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv