Ципу-йы уыд Гæздæнты Булаты номыл адæмон инструментты национ оркестры концерт

Гæздæнты Булаты номыл адæмон инструментты национ оркестры концерт ацыд Цæгат Ирыстоны паддзахадон университеты. Æрбацыдысты йæм нæ республикæйы культурæ æмæ ахуырды къабæзты минæвæрттæ. Уыимæ ма йæм саккаг кодтой Цæгат Ирыстоны хицауады уæнгтæ дæр. Оркестры репертуары уыд æрмæстдæр ирон зарджытæ. Уыдысты алыхуызон жанрты. Концерты бацархайдтой нæ республикæйы зындгонд зарæггæнджытæ, се хсæн: Цæгат Ирыстоны адæмон артисттæ Дауыраты Эдуард æмæ Гæбуты Жаннæ, нæ республикæйы сгуыхт артист Собиты Станислав, Æппæтадæмон музыкалон фестиваль æмæ зарæггæнджыты конкурсты уæлахиздзаутæ Дулаты Дзамболат æмæ Цыбырты Шота. Дирижер - Къуымæриттаты Тенгиз. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv