Хатдзæгтæ скодтой

Нæ республикæйы æрдз хъахъхъæныны министрад абон йæ ивгъуыд азы куыстæн хатдзæгтæ скодта. Æмбырды архайдтой барадхъахъхъæнæг æмæ æхсæнадон организациты минæвæрттæ. Цы сын бантыст, уый тыххæй радзырдта æрдзон æвæрæнты æмæ экологийы министр Мамиаты Чермен. Архайдтой бирæ экологон акциты. Нæ республикæйы санитарон æмæ экологон уавæрмæ цæст дарынæн сарæзтой æппæт хъæугæ мадзæлттæ. Уæлдай æргом здæхтой, закъоны сæрты хизгæйæ бæлæстæ чи цæгъды æмæ уæлдæфы сыгъдæгдзинад чи сафы, уыдонмæ. Ныссагътой 220 мин талайæ фылдæр, 20 хатты расидтысты зиутæ хæхты кæмттæ ссыгъдæг кæнынæн. Уымæй уæлдай ма националон паркмæ бауагътой 2 фыранчы, Тырмоны фæдзæхст ранмæ та баластой 15 саджы. Æмбырды ма сбæрæг кодтой 2019-æм азмæ куысты сæйраг нысæнттæ. Æлборты Иван, Цæгат Кавказы хæххон-металлургон институты экологи æмæ техосферон æдасдзинады факультеты декан. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv