Чи хуыздæр?

Ирон фынг ирон чъиритæй фидауы. Ирыстойнаг сылгоймæгтæ сæ куыд скæныдзысты, афтæ ничи. Сæ сусæгдзинæдтæ базонын бирæты фæнды. Фæстаг азты уымæн хорз хъомыс у чемпионат «WorldSkills» кæй хоныныц уый. Чемпионаты фæлгæты, Уæрæсейы 10 регионы курдиатджын адæмæн æртæ боны уыдысты цымыдисаг ахуыртæ. Нæ республикæйы хуыздæр къæбæргæнджытæ сæ зонындзинæдтæ нæ бахæлæг кодтой æмæ се ппæтæн равдыстой ирон чъиритæ куыд кæнгæ сты, уый. Ахуыртæ цымыдисаг æмæ падайаг сты, фæлæ уал иууылдæр фыссæнгæрзтæй пайда кæнынц. Сæ къухты арæхстдзинад æмæ зонындзинæдтæй тафæстæдæр спайда кæндзысты. Ацы æрыгон специалисты ахуыртæ куыд нæ хъæуынц? Алкæй дæр сæ фæнды рæсугъд ирон счъири кæнын базонын. Уый тыххæй чемпионаты архайджытæн 3 боны Æрыдоны аграрон-технологон колледжы сарæзтой ахуыртæ. Уæрæсейы 10 регионы минæвары сæхи цæттæ кæнынц «WorldSkills»-ы хуыздæр чъиригæнæджы ерыстæм. Ерыстæ уыдзысты 1-æмæй 6-æм маймæ. Сæ кармæ гæсгæ сæ адих кæнынц 2 къордыл: хистæртæ æмæ кæстæртæ. Сæ зонындзинæдтæ сын нæ бавгъау кодтой нæ республикæйы хуыздæр æфсинтæ. Рагæй кусы хæринаггæнагæй. Къæбæр фыцы 12 азы. Куыд зæгъы, афтæмæй, бирæ адæмы хæттыты минæвæрттæн бацамыдта ирон чъиритæ кæныны сусæгдзинæдтæ, фæлæ сæ ирон сылгоймæгтæй хуыздæр ничи кæны. Ахуыртæм ссыдысты Мæскуы, Мæскуыйаг облæст, Стъараполы æмæ Краснодары крайтæ æмæ æндæр регионты минæвæрттæ. Кæйдæрты сæ фидæны фæнды чъиригæнæг суæвын. Мирзабулатова Мадинæ сси Татарстаны республикæйæ æмæ зæрдæ бафæрдта – ерысты фæстæ хæдзары кæндзæн ирон чьиритæ. Пайдаджын æмæ зæрдæйæн удæнцой куыст. Цæгат Ирыстоны фыццаг хатт ис. Йæ зæрдæ дары арахдæр кæй цæудзæн, ууыл. Ерысты архайæг Мадинæ Мирзабулатова: «Ахæм фадат мæм фæзынд æмæ мæ ахуыргæнæгимæ ардæм ахуыртæм æрцыдтæн. Æмæ цæуыннæ бафæлварон? Татарстаны ирон чъиритæ бирæтæ уæй кæнынц. Фæлæ сæ Ирыстоны кæй кæнынц, уыцы чьиритимæ абарæн дæр нæй. Æз дæр фæнд кæнын чъиритæ кæнын æмæ сæ уæй кæнын». Чъири кæныны æгъдау кæцæй рацыд, уый базонынмæ æрымбырд адæм. Ерысты рæстæг кусдзысты сæрмагонд домæнтæм гæсгæ. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv