РЦИ-Аланийы физкультурæ æмæ спорты министрады афæдзы хатдзæгтæ скодтой

Цæгат Ирыстоны фæнд кæнынц дыууæ спортивон комплекс æмæ ихы аренæ саразын. Уый тыххæй пресс-конференцийы рæстæг журналисттæн фехъусын кодта Цæгат Ирыстоны физкультурæ æмæ спорты министр Кочиты Сослан. Объекттæй иу æрбынат кæндзæн Сапицский паркы, дыккаг та — футболы академи «Алания» - мæ хæстæг. Фæнд дзы кæнынц йе 'нæниздзинад хъыгдæрд кæмæн у, ахæм адæмæн комплекс саразын. Республикæйы ма фæзындзæн цæрджытæ рагæй кæмæ æнхъæлмæ кастысты, уыцы 50 метры дæргъæн бассейн. Арæзт æрцæудзæн спортивон гимнастикæйæн комплекс дæр. Фембæлды рæстæг ма министр фæнысан кодта скъолаты æнæмæнг баскетбол, волейбол æмæ футболæй секцитæ. Сæйраг нысан, куыд фæнысан кодта, афтæмæй саразын цæрджытæн æппæт фадæттæ, æмæ республикæйы парахат кæнын спорт. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv