Бæлццоны аххосæй

Мæскуыйæ Дзæуджыхъæумæ цы хæдтæхæг тахт, уый æнæнхъæлæджы Минводты æрбадт. Уый тыххæй хъусын кæны Цæгат Кавказы зылды Мидхъуыддæгты министрады транспорты управлени. Аэропортмæ æрбахæццæ сты пъæлицæйы кусджытæ дæр. Уыдон фехъусын кодтой, хæдтæхæг носджын бæлццоны тыххæй кæй æрбадт, уый. Куыд рабæрæг ис, афтæмæй расыг лæг туалеты тамако сдымдта. Стюардессæ йæ хæс æххæст кæнгæйæ, ацы цауы тыххæй фехъусын кодта командирæн. Уый уынаффæ рахаста, хæдтæхæг æдас аэродромы æрбады кæныны тыххæй. Зæгъдзыстæм ма уый, æмæ барадхалæг Дзæуджыхъæуккаг кæй у. Хæдтæхæгæй йæ куы рахизын кодтой, уæд æй радхæссæг пъæлицæйы хаймæ аластой. Нæлгоймаджы ныхмæ ныффыстой административон протокол, æхсæнадон бынаты расыгæй кæ й фæзынд, уыцы статьямæ гæсгæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv