информационный центр

Ядерон иртæстыты иугонд институты информацион центр йæ куысты фыццаг азæн хатдзæгтæ скодта. Фидæны пълæнттыл дæр æрдзырдтой. Сæрмагонд æмбырды архайдтой горæт Дубны ядерон иртæстыты институты сппециалисттæ æмæ Цæгат Ирыстоны Паддзахадон Университеты кусджытæ. Центры руаджы ныр æнцондæр у наукон иртæстытæ аразын. Ахуырдзаутæн цымыдисаг хуызы æвдисынц, наукæ цы у æмæ дзы куыд спайдакæнæн ис, уый. Ахуыргæнджыты дæсныйад уæлдæр кæныныл дæр дзы архайынц. Афтæмæй скъола фæуыны рæстæгмæ ахуырдзаутæй рауайдзæн хорз цæттæгонд абитуриенттæ. Уыимæ ма, æмхиц уыдзысты зонадон куыстмæ дæр. Студенттæн ис ног кусæнгæрзтæ феныны фадат, цæмæй теоретикон зонындзинæдтæй пратикон хуызы пайда кæнын сæ бон уа. Центры кусынц æрыгон ахуыргæндтæ дæр. Сæ фæлтæрддзинад кæрæдзийæн не ’вгъау кæнынц. Пайда дзы кæнынц сæрмагонд ахуырадон программæтæй. Арæх дзы цæуынц конференцитæ, семинартæ дунейы номдзыддæр ахуыргæндтимæ. ЦИПУ-йы ректор Огъуаты Алан куыд фæбæрæг кодта, афтæмæй университет фæнд кæны наукон центримæ дарддæр дæр æмгуыст кæнын. Ныридæгæн æй кæнынц радиацион биологи, протонты терапийæ æмæ экологийы къабæзты. Центры кусджытæ куыд зæгъынц, афтæмæй фидæны фылдæр се ргом аздахдзысты физикон-техникон, хими, биологи æмæ биотехнологи, стæй математикæ æмæ информацион технологиты факультеттæм. Фæнд кæнынц иумæйаг ахуырадон программæ байгом кæнын "физика элементарных частиц", зæгъгæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv