Интернеты тыгъдады хи раст дарыны фæткыл сывæллæтты ахуыр кæны «Цифровой ликбез»

Интернеты тыгъдады хи раст дарыны фæткыл сывæллæтты ахуыр кæны «Цифровой ликбез». Киберæдасдзинад æмæ нымæцон ахуырады уроктæ арæзт æрцæудзысты рухстауыны проекты фæлгæты. Уый тыххæй хъусын кæны бæстæйы нымæцон райрæзты министрад. Сæрмагонд видеороликтæ æмæ методикон æрмæджытæ ныридæгæн сты цæттæ. Проекты нысан — сывæллæттæн интернетæй раст пайда кæнæны мадзæлттæ æмбарын кæнын. Социалон хызæгты куыд хъæуы ныхас кæнын, цавæр æрмæджытæ сты тæссаг æмæ кæм агурын хъæуы æрмæст раст информаци.