Республикæйы скъолаты рауагъдонтæ райстой сæ аттестаттæ

Республикæйы скъолаты рауагъдонтæ райстой сæ аттестаттæ, астæуккаг скъола каст кæй фесты, уый фæдыл. Кадджын мадзæлттæ цыдысты Цæгат Ирыстоны ахуырадон алы кусæндоны дæр. Æмткæй райсгæйæ, сты 180-йы бæрц. Алы ран дæр, уæрæх царды фæндагмæ кæй фæндараст кодтой, уыцы сывæллæттæн бацæттæ кодтой хъæлдзæг хиирхæфсæн программæтæ. Арфæйы æмæ ныстуаны ныхæстæ сын загътой сæ ныййарджытæ æмæ сæ ахуыргæнджытæ. Зæнджиаты Людмилæ, Дзæуджыхъæуы 17-æм скъолайы директор: «Ацы бон уыйбæрц арфæтæ айзæлынц æгас республикæйы дæр, æмæ ма дзы æз ногæй зæгъгæ дæр цы кæндзынæн, уый нæ зонын. Кæй зæгъын æй хъæуы, зæрдиагæй нæ фæнды, цæмæй сæ царды нысæнттæ иууылдæр сæххæст уой. Уый сын ныртæккæ сæйрагдæр у. Алкæмæ дæр сæ ис сæ райс-бавæргæ бæллиц, æмæ йæ фæдыл ныфсджынæй куы цæуой, уæд сæ цард уыдзæн æнæмаст æмæ æхсызгон. Æцæг стыр лæгтæ сæ куыд рауайа, æгас паддзахады сæ нæмттæ куыд айхъуысой, уый мæ тынг фæнды». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv