Нæ сæ ракъахдзынæ

Полигон «Дайран»-ы байгом æфсæддон сгарæг къордты хуыздæрты рабæрæг кæныны ерысты сæйраг къæпхæн. Архайджыты бахъуыд ссæдз километры азгъорын, хæцæнгарзæй ифтонггондæй цæлхдурты сæрты ахизын æмæ афтæ дарддæр. Алцыдæр – хæххон æвадат уавæрты. Сæ арæхстдзинад æвдисынц Хуссары æфсæддон зылды сгарæг къордты æмæ æфсæддон хæйтты хуыздæртæ. Ерыстæ арæзт уыдзысты цалдæр къæпхæнæй, хъуамæ сæ къуыримæ баххæст кæной. Бæлвырддæр хабæрттæ нæ уацхæсджыты æрмæджы. Райсомæй фæтк, гимн, ныстуаны ныхæстæ æмæ та сгарджытæ араст сты хæхтæм. Афтæ райдайынц ерыстæ сгарджыты хайады хуыздæрты рабæрæг кæныныл. Хуссар федералон зылды сгарджытæ къуыримæ хъуамæ фæуой сæ зын ахуыртæ. ¤Хохы сæрмæ куы схизынц, уæд салдæттæ бакусынц сæрмагонд хæслæвæрдтыл. Къорды ис 10 адæймаджы æмæ сæ алчидæр зоны йæ хæстæ куыд æмæ цас рæстæгмæ сæ скæнын хъæуы, уый. Машинæйæ рагæпп кæныны фæстæ къорд хъуамæ рæвдз ухиза 15 километры сæрты. Цæмæй йæ æмбарат: йæ уæлæдарæсы уæз æд хæцæнгарз у 30 килограммы. Салдæттæ сæ профессионалон хæс фыццаг аз не `ххæст кæнынц. Алчидæр сæ у иттæг дæсны уымæ. Сæ къæмандыгæнджыты ныхæстæм гæсгæ полигоны авналæнтæ бар дæттынц хæстон уавæр хуыздæр банкъарынæн. Салдæтты дæсныйад дæр хуыздæр кæны. Уæрæсейаг ерыстæ арæзт æрцæудзысты августы Новосибирскы. Уым сæмбырд уыдзысты канд хуыздæр хæстонтæ Уæрæсейæ нæ, фæлæ ма фæсарæйнаг бæстæтæй дæр. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv